قلبــــى العطــــــــــوف
بكره يا قلبى العطـــــــــوف
ياما فى بعدك تشــــــــــوف
الفتور يطوى المشاعـــــــر
وفى سما الأشواق يطـــوف
والحنان الكان زمــــــــــــان
تلقى مركون فى الــــرفوف
ولو سألت عن الســـــــــبب
الاجابه تكون ظــــــــــروف
_________________
يا حليلك وانت ســـــــــارح
تقطع أميال بالألـــــــــــوف
ليل نهار تكتب ترســـــــل
لهفة الشوق فى الحروف
راضى بالهم فى حياتــــــك
وصابره شمسك بالخسوف
ولما ترجع كان رجعـــــت
غير ألم ما اظن تشـــوف
والحبيب الكان عزيــــــــز
يبقى ما عاد ليك ولــوف
والغريبه يقولو عنــــــك
قاسى يا قلبى العطوف!!
وانت يا بحر المحنــــــــه
ابره فى كوم قش وصوف
