كـل أرضٍ تشيلك ؛؛يا ثقيل iiالحمول
وكـل وقـتٍ كـريمٍ بالرضا والزعل
وين مارحت تلقى لك .....حبيب؛؛وعذول
ويـن مـا كنت تلقى مثل ...ياسك؛؛أمل
يـاطريق الـترجي والـوله والنحول
والله إنـي مـشيتك؛؛ لـين حد ...الثمل
مـالقيت فوصولي لغير قبري ..وصول
ولا عرفت فحياتي مثل عرفي ...الجهل
لا تـظن المسافر من يسوق ...الرحول
مـن وقف دون حلمه؛؛عاجزٍ ما ..رحل
وما لمخلوق منجا في الحذر ..والجفول
مـا تصيب السهام ولا يطيش ...الاجل
الـليالي خـوات؛؛ مير منهي البتول؟
والـحوادث عشاير مير وين ...الفحل؟
لـيلةٍ لـك ؛؛وليله؛؛ بالفرح ما ...تطول
ولـيلةٍ مـن شهدها ذب راس ...الجبل
أتـذكّر في عين الشمس طفلٍ...خجول
شـالته فـي هـدبها وقت لين ..إشتعل
أعجب الناس وهجه بالجدل والفضول
ما دروا عن (جمال الجرح) لين إندمل
والله انـي كتبته في العطش ..والذبول
لـين غـصنه تعدل بالورق ..وإعتدل
والله إنـي كـتبته لـين قال الجهول
والله إنـي كـتبته وانـتشى ..واحتفل
ما أتفه الشعر كانه هالحكي اللي ..نقول
لا تـعدى الـمديح ولا تـعدى ..الغزل
إن لثمت الزهور وصاحبتني ..الحقول
ماهقيت ان صافي الشهد عيب ...النحل
مـابقى في ضلوعي كود ريح ...معمول
وثـوب شاشٍ عليه من الندامه ...وحل
ألـتفت لـلطريق وما عبر منه ...زول
فـي جـفوني تزاحم عبرتي ...والوجل
طـلت يـالعمر والا قلعتك لا ...تطول
طـاولتنا الـليالي بـالسهر ...والـملل
إن تـعبنا نـحب ولا لـقينا ...قـبول
مـا تـسر الامـاني؛؛ولا يفيد ...العذل
لـكن الله كـريم وكـل هـمٍ يـزول
مـا عـلى الله بعيد؛؛ولا جفاك ...المحل
كـل أرضٍ تشيلك ؛؛يا ثقيل ..الحمول
وكـل وقـتٍ كـريمٍ بالرضا والزعل
