لبيلهارسيا (Schistosomiasis او Bilharzia) هى مرض بييجى فى الغالب للانسان و بيسببه مجموعه من الديدان المفلطحه اسمها (شيستوسوما). فى حوالى 200 مليون واحد عيان بالبيلهارسيا فى العالم كله و فى كمان اكتر من مليار انسان معرضين لخطر انه يجيلهم بيلهارسيا.المرض منتشر اكتر حاجه فى المناطق المداريه فى الترع و القنوات و انهار المايه الحلوه اللى عايش فيها قواقع من نوع معين بتستعملها الديدان كعائل وسيط قبل ما تيجى للبنى ادمين.الطور المعدى اسمه السيركاريا و دا اللى بيخترق الجلد بتاع الانسان و بتنمو جواه لمرحلة البلوغ فى خلال كام اسبوع و لما بيحصل تزاوج بين الدكور و الانات بتبتدى الانات تبيض بويضات صغيره ياما فى المثانه يا ما فى المستقيم و بتسبب الالتهابات و النزيف.[b]
