الزمن صلب , وانت انسـان حسّـاس
لازم انـك تغيّـر مـن صفاتـك
لو جبرك الزمـن .. لاتحنـي الـراس
غيـر لله .. اذا كنـت بصلاتـك
ولاهـو ايّـة يديـن تمـد , تنـبـاس
( عن عدا والديك) اكـرم شفاتـك
ولو يقولون مفلس , قـول الافـلاس
: لاخسرت الكرامـه فـي حياتـك
بالامـل تقـدر انـك تهـزم الـيـاس
اغتنـم كـل فرصـه دام جاتـك
دوس روس المصاعـب قبـل تنـداس
واسلك الدرب الاصعب في جهاتك
لا يميّـل غصونـك كــل نسـنـاس
خلك اقـوى بعزمـك , وبثباتـك
ولاتعامـل بطيبـك كــل الاجـنـاس
حسب الاشخاص خـل معاملاتـك
وان حكت في ظهرك( قلوب الانجاس)
ابتسم .. واعطهـم مـن سيئاتـك
لاتمـر البشـر مــرور الانـفـاس
حط بصمه قبـل لحظـة مماتـك
كن ذهب .. لاغـدوا قدامـك نحـاس
كن لهب .. لاغزا البرد امنياتـك
ولا تضايق وتزعل .. قـول : لابـاس
لاخسرت ايّ حاجه فـي حياتـك
خون حزنك , و همّك .. الا الاحساس
لاتخونـه , تخونـك ذكريـاتـك
مايروح الفرح , لـو راحـوا النـاس
انت من تصنع الفرحـه لـذاتـك
