* ذا كان فيه نقص في التوستوستيرون فالعلاج بيكون ان المريض ياخد الهرمون ده وان كان السبب الشائع هو ان الدم مش بيتدفق كويس للعضو الذكري لجواه بسبب مرض معين او تحديدا مرض السكر .
* اغلب العلاجات بتشتغل اساسن علي تطويل فترة الانتصاب ساعة المعاشره مش بتعالج المرض او السبب في الضعف الجنسي نفسه . والعلاجات دي زي :
1. البورستاديل : Alprostadil وده بيتحقن بجهاز معين قبل المعاشره . متوافر ككريم في بعض الدول باسم Befar والاختبارت التمهيديه بتقول ان كفاءته بتوصل ل 83 في الميه . بيشتغل بعد 10 دقايق الي ربع ساعه ولحد 4 ساعات (محتاجه مصدر)
منفاخ الذكر
2. المنفاخ ابو حلقه : اسطوانه شبه المنفاخ لكن فيها حلقه ضاغطه بتساعد الدم انه يتدفق في العضو قبل المعاشره بيسموه منفاخ الذكر .
3. الهرمونات : مش علطول بتستخدم بس احيانا الدكتور بيلجأ ليها لكن بالاعتماد علي سبب المرض نفسه وعوامل تانيه .
4. جراحه في الذكر : لما بتفشل الطرق التانيه بيتعمل جراحه لتركيب دعامات صناعيه جوه الذكر . ومن عيوبها غير انها مكلفه انها مش عكسيه ( مش بترجع ) .
5. الاستشاره النفسيه : خصوصا لو السبب نفسي او ان العامل النفسي واحد من اسباب المرض .
* الضعف الجنسي برضه بيتعالج بحبوب او حقن او (لبوس في العضو الذكري) . بتشتغل علي زيادة اكسيد النيتروجين NO اللي لما بيزيد بيزود تدفق الدم في العضو . لما بتفشل الحبوب بيستخدمو الحقن اللي بتتحقن في العضو نفسه لكن من عيوبها انها بتعمل انتصاب مستمر Priapism ولو فشلت العلاجات الصيدليه دي ممكن يستخدم منفاخ من بره مع وجود حلقه منفصله علي الذكر ( لاحظ فيه فرق عن المنفاخ اللي الحلقة جواه واللي بيشتغل قبل المعاشره ) ووجود الحلقه دي علي الذكر بيتقال - احيانا - انها بتطول الذكر وفيه ناس بتستخدمها للاستمناء .
[تعديل] علاجات قطعيه
العلاجات دي مفيش عليها جدالات كتير
علبه فياجرا
* كابتات الانزيم PDE5 : نظرا انه فيه مجموعه من الانزيمات اسمها فوسفودايستريزس phosphodiesterases ودي موجوده في مناطق مختلفه من الجسم لكن اهم واحد فيها بالنسبه لموضوعنا هوا رقم 5 عشان كده اسمه فوسفودايستريز 5 PDE5 .
* الادويه اللي بتكبت الانزيم PDE5 Inhibitors فوسفودايستريز 5 زي سيلدنافيل sildenafil ( فياجرا Viagra ) و فاردينافيل vardenafil ( ليفترا Levitra ) و تادلافيل tadalafil ( سيالس Cialis ) وكلها حبوب بتتاخد بالبؤ واللي بعد ما تتاخد بتوقف الانزيم PDE5 اللي بيعمل تحلل ل cGMP. و CGMP ده بيخلي العضلات الناعمه smooth muscles بتاعه شرايين العضو الذكري ترتخي فتتملي corpus cavernosum بالدم . فابلتالي لما بنوقف PDE5 عن الشغل بنساعد CGMP انه يشتغل علي زيادة تدفق الدم في الذكر .
[تعديل] علاجات خلافيه
العلاجات دي فيها شوية جدل
1. نالتركسون : Naltrexone من علاجات الادمان وممكن يعالج لو مفيش رغبه للجنس libido .
2. بريميلانوتايد: Bremelanotide بخاخ بالمناخير ودا مش بيشتغل علي الاوعيه الدموية لكن بيزود الرغبه الجنسيه عند الرجاله والستات , وهوا عموما بيشتغل علي مستقبلات الميلانوكورتين melanocortin receptors في المخ ولسه تحت التجريب .
3. ميلانوتان2 : Melanotan II نفس الكلام علي اللي قبله.
4. الجنسنج : Ginseng عشب كوري مشهور من زمان بانه بيعطي طاقه . فيه دراسه سنة 2002 بتقول انهم لاحظوا تحسن في علاج الضعف الجنسي عند الناس اللي بياخدوه بالمقارنه مع الناس اللي مبتاخدوش .الدراسه اتنشرت في ((Journal of Urology 168 (5) .
5. ال ارجنين اسبارتيت : L-arginine aspartate بيتعمل منه مخلوط مع بيكنوجينول Pycnogenol اسمه بريلوكس Prelox . الدراسه اللي قام بيها دكتور ستيفن لام من كليه الطب جامعه نيويورك بيقول فيها ان 81.1% من الرجاله اللي درسهم بقا عندهم تحسن اكتر في قابليتهم للممارسه الجنسيه ,اما الشركه اللي مصنعه البريلوكس فبتقول انه لما بيتاخد يوميا بيرجع التلقائيه تاني لحياة الحب عكس المنتجات التانيه اللي مرتبطه اخداناها قبل الممارسه بوقت معين .
[تعديل] علاجات تانيه
1. الزنك : Zinc بيمنع تحول الهرمون الذكري توستوستيرون الي استراديول , وبالتالي فالزنك بيساعد في زيادة التوستيستيرون وبالتالي زياده الحيوانات المنويه وكمان المعدن ده نقصه علامه من علامات الضعف الجنسي واللي العلما لاحظوا انه بينقص في حالات التهاب البروستاتا البكيتري او الغير بكتيري عشان كده هو مفضل لمرضي البروستاتا والضعف الجنسي .
[تعديل] تاريخ
قلع بنطولنه وحقن عضوه الذكري بماده الفنتولامين phentolamine واللي عمله انتصاب نتيجة توسعه الاورده في الذكر
* اول ناس فكروا في علاج الضعف الجنسي هما الدكاتره والصيادله المسلمين وهما اول ناس بداوا يوصفوا علاجات للموضوع ده سواء عن طريق ماكولات معينه او ادويه وحتي دهانات وبداو يوصفوا ادوية مجربه من القرن التاسع الي القرن الستاشر . ومن اشهر العلما دول محمد بن زكريا الرازي و ثابت بن قره و ابن الجزار وابن سينا وابن البيطار وابن النفيس وابن رشد .من كتاب (The Comprehensive Book on Medicine).
* من سنة1920 الي 1930 نجح الدكتور جون برينكلي John R. Brinkley انه يعمل نقله في علاج الضعف الجنسي في امريكا عن طريق برنامج راديو كان بيدي فيه نصايح وعلاجات . كان بيعتمد علي زرع غده المعيز مع حقن الميركروكروم وزعم انه بيرجع الرجوله بعمليه جراحيه غاليه بالتضامن مع الجراح سيرجي فورونوف Serge Voronoff لكن ترخيص برينكلي الطبي اتسحب وبالتالي وقف البرنامج بتاعه لكنه سافر من حدود تكساس للمكسيك وهناك فتح عياده وبدا نصايحه في راديو بوردر بلاستر border blaster .
* سنة 1970 بدا العلما في زراعات جوه العضو الذكري كانت بتتنفخ inflatable penile implants .
* الطب الحديث عمل نقله سنه 1983 عن طريق بروفيسير الفسيولوجي البريطاني جيليس بريندلي Giles Brindley واللي فاجئ الحاضرين من جمعية طب المسالك البوليه وقلع بنطولنه وحقن عضوه الذكري بماده الفنتولامين phentolamine واللي عمله انتصاب نتيجة توسعه الاورده في الذكر ومن هنا كانت البدايه لادويه تتاخد بالبؤ لتوسيع الاورده وزياده تدفق الدم .
[b]
